Xidmət göstərən: toplog.az saytı bundan sonra TopLog olaraq adlandırılacaq.

İstifadəçi: TopLog-a aid http://toplog.az web saytı üzərindən hesab (Account) yarataraq xidmətdən istifadə edən real şəxslərdir. Bundan sonra İstifadəçi olaraq adlandırılacaq.

İdarəçi: Saytın rəhbərliyi bundan sonra Administrasiya olaraq adlandırılacaq.

Aşağıdakı göstərilən qaydaların TopLog sistemində istifadəsi qətiliklə qadağandır. TopLog, aşağıda göstərilən fəaliyyətləri həyata keçirən saytları dayandırmaq, məhdudlaşdırma və ya tamamilə xitam haqqını özündə saxlayır.

İstifadəçi qeydiyyat keçərkən göstərilən məlumatları düzgün qeyd etməli və qaydaları oxuduqdan sonra Qaydalar-ı oxudum razıyam mətnini seçərək davam etməlidir.

Əgər saytın məzmunu seçilmiş kateqoriyaya və ya qeydiyyat vaxtı göstərilmiş təsvirinə uyğun deyilsə, Administrasiya resursun yerini saytın mövzusuna daha uyğun kateqoriyaya köçürdə və ya resursun təsvirini dəyişdirə bilər.

Resursun təsvirində qeyri-normativ leksikadan, təhqirlərdən istifadə etmək, həmçinin başqa internet-resurslara istinad edən, millətlərarası düşmənçiliyi qızışdıran, siyasətə toxunan, bir və ya bir qrup insanın dinini təhqir edən sözlər yazmaq, həmçinin böyük hərflərdən ehtiyac olmadığı halda artıq istifadə etmək qəti qadağandır.

Tərkibində pornoqrafik materiallar olan resurslar "Yetişkin (18+)" xüsusi kateqoriyaya əlavə olunmalıdır.

Tərkibində uşaq pornoqrafiyasının təbliği, siyasi çevrilişlərə səbəb ola biləcək məzmun (yazılar,video və s.) olan saytların qeydiyyatı qəti qadağandır.

Saytlar qeydiyyat olunduğu tarixdən 24 saat ərzində TopLog-a aid sayğac kodunu saytda yerləşdirilmədiyi halda həmin sayt avtomatik olaraq deaktiv ediləcək.

Resurslara aid sayğac kodunu qeydiyyat zamanı göstərilən ünvan xaricində kənar saytlarda quraşdırmaq qəti qadağandır.

Sayğac kodunda hər hansı bir dəyişiklik etmək, verilən kodda TopLog sisteminə keçidi ləğv etmək qəti qadağandır. Kod olduğu qaydada sayta quraşdırılmalıdır.

Sayğacın təsviri səhifələrə baxış vaxtı resursun ziyarətçisi tərəfindən görünən olmalıdır.

7 gün ərzində heç bir ziyarətçiyə nümayiş olunmayan sayt sistemdən avtomatik silinəcək.

İstifadəçi TopLog sayğacın rəqəmlərinə və başqa dəyişənlərinə təsir etmək üçün heç bir proqram və ya üsullardan istifadə etməməlidir.

Bu üsullara, öz-özünə yenilənən səhifələr, proxy siyahısı ilə IP ünvan dəyişilməsi, kliker-növlü proqramların istifadəsi və s. daxildir.

İstifadəçinin tələbi üzərinə toplog.az web saytı üzərindən qeydiyyat edilən saytlar qaydalara uyğundursa aktiv ediləcək.

TopLog davamlılıq zəmanəti (Uptime) "Fors-Major" səbəblərdən, internet onurğasını meydana gətirən firmalardan, server problemlərindən və ya texniki problemlər xaricində bir il ərzində 99.9% nisbətində işləyir və əlçatan olacağını öhdəliyinə götürür.

Administrasiya reytinqin işində müvəqqəti nasazlıqlar və fasilələrə görə məsuliyyət daşımır.